የዋጋ ግሽበት ለብዙ ሰዎች፣ በተለይም ለባለሀብቶች፣ ከፍተኛ የኢኮኖሚ ችግር ሊያስከትል ይችላል። በቅርብ ዓመታት የዋጋ ግሽበት ይበልጥ አሳሳቢ ጉዳይ ሆኗል፤ በኤፕሪል 2023 በዩናይትድ ስቴትስ የዋጋ ግሽበት መጠን 4.9% ደርሷል። የዋጋ ግሽበት ብዙ መንስኤዎች አሉት፤ በዓለም ዙሪያ ያሉ ገንዘቦችም ሁሉ ለዚህ ተጋላጭ ናቸው። ይሁን እንጂ በክሪፕቶከረንሲ እና በዋጋ ግሽበት መካከል ያለው ግንኙነት አሁንም አከራካሪ ርዕስ ነው።
ብዙ የክሪፕቶ አድናቂዎች ክሪፕቶ የዋጋ ግሽበትን ይቋቋማል ይላሉ። ስለ ክሪፕቶከረንሲ ባለን ሰፊ እውቀት ተመሥርተን ግልጽ መልስ ማግኘት ፈለግን። የዋጋ ግሽበት የክሪፕቶከረንሲን ዋጋ ይቀንሳል? የሚደግፉና የሚቃወሙ በርካታ የእውነተኛ ሕይወት መከራከሪያዎችን ተንትነናል። በዚህ ጽሑፍ የዋጋ ግሽበት ክሪፕቶን በትክክል እንዴት እንደሚነካ እናብራራለን።
የዋጋ ግሽበት የገንዘብን ዋጋ ይቀንሳል?
በአጠቃላይ የዋጋ ግሽበት የገንዘብን ዋጋ የመቀነስ አዝማሚያ አለው። ሆኖም ጉዳዩ ከዚህ የበለጠ ውስብስብ ነው። የዋጋ ግሽበት በአንድ ኢኮኖሚ ውስጥ የዋጋዎች እና የአጠቃላይ ወጪዎች መጨመር ነው። እንዲሁም የአንድን ገንዘብ የመግዛት አቅም መቀነስ ብለን ልንገልጸው እንችላለን። የሚከሰተው በረጅም ጊዜ ሂደት ነው፤ ሆኖም አንዳንድ መንስኤዎች ያፋጥኑታል።
ብዙ የኢኮኖሚ ባለሙያዎች መጠነኛ የዋጋ ግሽበት ጤናማ እንደሆነ ይስማማሉ። ሰዎች መሥራታቸውንና መገበያየታቸውን እንዲቀጥሉ በማድረግ ኢኮኖሚውን ያነቃቃል። ከመጠን ያለፈ የዋጋ ግሽበት ግን ጥፋትን ያስከትላል። ይህ ቁጥጥር የማይደረግበት የዋጋ ጭማሪ ሃይፐርኢንፍሌሽን (hyperinflation) ይባላል። በአብዛኛው የሚከሰተው በሞኔታሪዝም ምክንያት ነው፤ ይኸውም ከልክ በላይ ገንዘብ ወደ ሥርዓቱ ሲገባና ዋጋውን ሲያጣ ነው።
የሚመከር ንባብ፦ ሃይፐርኢንፍሌሽን በዓለም አቀፍ ደረጃ፦ ክሪፕቶ መፍትሔ ነው?
ሌሎች የዋጋ ግሽበት መንስኤዎች የሚከተሉት ናቸው፦
- የገንዘብ ዋጋ ቅነሳ (devaluation)፦ መንግሥት በሕጋዊ መንገድና ሆን ብሎ የገንዘብን ዋጋ መቀነሱ ነው። ይህ በአብዛኛው የሚደረገው የወጪ ንግድ ወጪንና የንግድ ጉድለትን ለመቀነስ ነው።
- በመንግሥት ቦንዶች አማካይነት መበደር፦ ወደ ገበያ የሚፈስ አዲስ ገንዘብ የመፍጠሪያ ዘዴ ነው። በዚህ ሁኔታ መንግሥት በቦንዶች አማካይነት ከFederal Reserve ይበደራል። ይህ የመግዛት አቅምን ለጊዜው ያሳድጋል፣ ነገር ግን የከፋ መዘዝም ሊያስከትል ይችላል።
የዋጋ ግሽበትን በሦስት ዋና ዋና ዓይነቶች ልንከፍለው እንችላለን፦
አብሮ የተገነባ የዋጋ ግሽበት (Built-in Inflation)
አብዛኞቹ ሠራተኞች ይህን ዓይነቱን የዋጋ ግሽበት ይደግፋሉ። የኑሮ ጥራታቸውን ለመጠበቅ ከፍ ያለ ደመወዝ ሲጠይቁ ዋጋዎችም ይጨምራሉ። ይህ ሰዎች በሥራቸው እንዲነቃቁ ያደርጋል፤ የበለጠ ወጪ የማድረግ አቅምም ይሰጣቸዋል። የአብሮ የተገነባ የዋጋ ግሽበት አንዱ የታወቀ ምሳሌ በቋሚነት እየጨመረ የሚሄድ ዝቅተኛ የደመወዝ ወለል ነው።
በወጪ የሚገፋ የዋጋ ግሽበት (Cost-push Inflation)
ይህ የዋጋ ግሽበት የሚከሰተው የምርት ወጪዎች ሲጨምሩ ነው፤ የሸቀጦችና የአገልግሎቶች ዋጋም እንዲጨምር ይገፋል። ይህም በገበያው ውስጥ በቁልፍ ምርቶች አቅርቦት ላይ ማነቆ ሊፈጥር ይችላል።
በፍላጎት የሚሳብ የዋጋ ግሽበት (Demand-pull Inflation)
ይህ የሚከሰተው የምርቶች እጥረት ከተፈጠረ በኋላ ሲሆን “ጥቂት ሸቀጦችን የሚያሳድድ ብዙ ገንዘብ” ተብሎ ይገለጻል። የእነዚህ ምርቶች ፍላጎት ይጨምራል፤ ስለዚህ መንግሥት የተሰላ መጠን ያለው አቅርቦትና ብድር ወደ ገበያ ይለቃል። ይህ ፍላጎቱን ያሟላል፣ ዋጋዎችን ያሳድጋል፣ የተጠቃሚዎችን ወጪም ይጨምራል።
የዋጋ ግሽበት በዓለም ዙሪያ ባሉ ኢኮኖሚዎች ላይ ያለውን ከባድ ተጽዕኖ የሚያሳዩ ብዙ ምሳሌዎች አሉ። ቬንዙዌላ በዓለም ላይ ካሉት እጅግ የከፉ ሃይፐርኢንፍሌሽኖች አንዱን እያስተናገደች ነው። መንግሥቷ ከልክ በላይ ጥሬ ገንዘብ ወደ ገበያ በማሰራጨቱ ዋጋዎች ሰማይ ነክተዋል።
ቀደም ሲልም ሆነ አሁን፣ የዋጋ ግሽበት የገንዘቦችን ዋጋ መቀነሱ ትልቅ ስጋት ሆኖ ቆይቷል። ሆኖም ክሪፕቶከረንሲ በቴክኒካዊ አገላለጽ ገንዘብም ሆነ የፊያት (fiat) ገንዘብ አይደለም። ክሪፕቶከረንሲዎች ያልተማከለ ሥርዓት ላይ ይሠራሉ፤ እንደ አንድ አገር መንግሥት ባለ ማዕከላዊ ባለሥልጣን ቁጥጥር ሥር አይደሉም።
የዋጋ ግሽበት በአሜሪካ ዶላር ወይም በሬንሚንቢ (የቻይና ዩዋን) በሚደረጉ ግብይቶችና ኢንቨስትመንቶች ላይ ከፍተኛ ተጽዕኖ ሊያሳድር ይችላል። በክሪፕቶ ሲገበያዩ ግን ይህ ተጽዕኖ ሙሉ በሙሉ ሊለያይ ይችላል። ከክሪፕቶከረንሲ ባሕርይ አንፃር፣ በእርግጥም ከዋጋ ግሽበት መከላከያ (hedge) ሆኖ ሊያገለግል ይችላል።
በክሪፕቶከረንሲ ላይ የዋጋ ግሽበት ሊከሰት ይችላል?
ባለሙያዎች ክሪፕቶከረንሲ የዋጋ ግሽበትን ምን ያህል እንደሚቋቋም ገና አልተስማሙም። አንዳንድ የክሪፕቶ ባለሙያዎች መንግሥታት በክሪፕቶ ብሎክቼይኖች ላይ ተጽዕኖ ማሳደር አይችሉም ብለው ይከራከራሉ። ስለዚህ ከልክ በላይ ክሪፕቶ አሰራጭተው ዋጋውን መቀነስ አይችሉም። በአንድ አገር የዋጋ ግሽበት ቢከሰት እንኳ የክሪፕቶ ንብረቶች በቀጥታ አይጎዱም። ክሪፕቶ አዲስ ጽንሰ ሐሳብ በመሆኑ የክሪፕቶከረንሲ የዋጋ ግሽበት ሊከሰት እንደሚችል የሚያረጋግጥ ብዙ መረጃ የለም።
አንዳንድ ባለሙያዎች የዋጋ ግሽበት ለዲጂታል ንብረቶች ዘርፍ ጠቃሚ ነው ብለው ይከራከራሉ። የፊያት ገንዘብ ዋጋውን እያጣ ሲሄድ ብዙ ሰዎች ዋጋን ለማቆየት በክሪፕቶ ኢንቨስት ያደርጋሉ። በአንድ ክሪፕቶከረንሲ ላይ ያለ ከፍተኛ ፍላጎትና ተጨማሪ ኢንቨስትመንት ዋጋውን ያሳድገዋል።
ሆኖም ክሪፕቶም ዋጋን ለማቆየት ሲውል የራሱ ስጋቶች አሉት። የኢኮኖሚ ባለሙያዎች የዋጋ ግሽበት በሚቀጥሉት ዓመታት (ከ2023 ጀምሮ) ከፍ ብሎ እንደሚቆይ ያምናሉ። እንደ Bitcoin ያሉ ክሪፕቶከረንሲዎች የዋጋ ግሽበት እየጨመረ በነበረበት ወቅት ከመጀመሪያ ዋጋቸው እስከ ሁለት ሦስተኛውን አጥተዋል። ይህ የዋጋ ግሽበት በክሪፕቶከረንሲ ገበያ ላይ ተጽዕኖ እንደሚያሳድር ያረጋግጣል።
ከ2021 ወዲህ የአሜሪካ ዶላር የዋጋ ግሽበት መጠን (ከታች ባለው ምስል)
በታሪክ ክሪፕቶከረንሲ እጅግ ከፍተኛ የዋጋ መዋዠቅ (volatility) ያሳያል። ባለሀብቶች ክሪፕቶን የሚገበያዩበት ምርት (commodity፣ እንደ ወርቅ) ወይም ኢንቨስት የሚያደርጉበት ሴኩሪቲ (security፣ እንደ አክሲዮን) አድርገው ይመድቡታል። እነዚህ ሁለቱም የንብረት ዓይነቶች ለዋጋ ግሽበት ጫና ተጋላጭ ናቸው።
ሁሉም ክሪፕቶከረንሲዎች አንድ ዓይነት እንዳልሆኑ ማስታወስ አስፈላጊ ነው። አንዳንድ የክሪፕቶ ብሎክቼይኖች ከሌሎቹ በተለየ መንገድ ይሠራሉ። ክሪፕቶከረንሲዎች ከሚከተሉት ሦስት ባሕርያት አንዱ ሊኖራቸው ይችላል፦
1. ዲፍሌሽናሪ (Deflationary)
የእነዚህ ክሪፕቶከረንሲዎች አቅርቦት በጊዜ ሂደት ይቀንሳል። አቅርቦቱ ሲያንስ የክሪፕቶው ዋጋ ሊጨምር (ወይም የተረጋጋ ሆኖ ሊቆይ) ይገባል። Bitcoin ይህን ሥርዓት ይጠቀማል። ብሎክቼይኑ በግምት በየአራት ዓመቱ “halving” በተባለ ክስተት የአዲስ bitcoin አቅርቦትን በግማሽ ይቀንሳል። የbitcoin የብሎክ ሽልማትም በጊዜ ሂደት ይቀንሳል። የbitcoin ዋጋ ባለፉት ዓመታት ስለጨመረ ይህ ሥርዓት በሚገባ ሠርቷል።
2. ተለዋዋጭ (Dynamic)
በዚህ ሁኔታ ብሎክቼይኑ በተወሰኑ ሁኔታዎች ላይ ተመሥርቶ የቆዩ ክሪፕቶዎችን ያጠፋል፤ አዳዲስ ኮይኖችን ወይም ቶከኖችንም ያመርታል። ይህ ዋጋቸው ከፊያት ገንዘብ ጋር በተቆራኘ stablecoinዎች ላይ ሊከሰት ይችላል። TerraUSD በTerra ብሎክቼይን ላይ ያለና ከአሜሪካ ዶላር ጋር የተቆራኘ stablecoin ነው። የUSD ዋጋ ቢቀንስ የTerraUSD ዋጋም ይቀንሳል።
3. ገደብ የለሽ (Infinite)
አንድ ክሪፕቶከረንሲ የአቅርቦት ጣሪያ ከሌለው ገደብ የለሽ ነው! Ethereum የታወቀ ምሳሌ ነው። ገንቢዎች እንደ NFT ያሉ አዳዲስ ፕሮጀክቶችን ለመገንባት የEthereum ብሎክቼይንን ይጠቀማሉ፤ ይህም ፍላጎቱ በቋሚነት እንዲኖር ያደርጋል። ለብዙ ዓላማዎች ስለሚያገለግል በአቅርቦቱ ላይ ጣሪያ መጣል አያስፈልግም።
ክሪፕቶከረንሲ እና የዋጋ ግሽበት፦ ክሪፕቶ መከላከያ ነው?
በአጭሩ፣ ክሪፕቶከረንሲ ከዋጋ ግሽበት ውጤታማ መከላከያ መሆኑን ገና አላረጋገጠም። አሁንም በአንፃራዊነት አዲስ የኢንቨስትመንት ዓይነት ነው፤ ቢሆንም የፖርትፎሊዮዎ አካል አድርገው ሊያስቡበት የሚገባ ነው። ይህ ማለት ግን በኢንቨስትመንት ውስጥ ምንም ዋስትና ያለው ነገር የለም።
ክሪፕቶ መግዛት ከዋጋ ግሽበት እንደሚጠብቅዎ ዋስትና አይሰጥም። ከማጭበርበሮችና ከከፍተኛ ስጋቶች በተጨማሪ አሳሳች ትርክቶችም አሁንም አሉ። ስለዚህ ክሪፕቶ ሲገዙ ወይም ሲያስቀምጡ ጥራት ያለውና ታማኝ የአገልግሎት አቅራቢ መምረጥ አለብዎት።
YouHodler በአውሮፓ ሙሉ በሙሉ ቁጥጥር የሚደረግበት የFinTech አገልግሎት ሲሆን ለደንበኞቹ ጥቅም ቅድሚያ ይሰጣል። YouHodler በፋይናንስ ዘርፍ ባካበተው የአሥርት ዓመታት ሙያዊ ልምድ፣ ለእርስዎ የተለየ ግብና የስጋት መቻቻል የሚስማሙ የተለያዩ አገልግሎቶችን ያቀርባል።
ለምሳሌ፣ ከዋጋ ግሽበት ለመከላከል በstablecoinዎች ወይም በክሪፕቶከረንሲዎች ምርት (yield) ለማግኘት ዝቅተኛ ስጋት ያለውና ቀላል መንገድ እየፈለጉ ከሆነ፣ በክሪፕቶዎ ሽልማት ለማግኘት የYouHodlerን Yield account ይሞክሩ። ከፍ ያለ ስጋት ለመውሰድ ፍላጎት ላላቸውና ዋና ግባቸው እርስ በርስ በተያያዙ ኦፕሬሽኖች ሰንሰለት የገበያ ተጋላጭነታቸውን ማባዛት ለሆነ ደግሞ Turbocharge ወይም MultiHODL ተስማሚ አገልግሎቶች ናቸው።
ከዚያም Dual Asset አለ፤ ለጥንቃቄ ወዳዱ HODLerም ሆነ ለንቁው የክሪፕቶ ነጋዴ የተዘጋጀ አገልግሎት ነው። ይህ ባለሁለት ገንዘብ የኢንቨስትመንት መሣሪያ እንደ ፖዚሽናቸው ውጤትና እንደ ክሪፕቶ ገበያው ሁኔታ ደንበኞች ተጨማሪ ክሪፕቶ ወይም stablecoin እንዲያገኙ ያግዛል። የክሪፕቶ ገበያውን የዋጋ መዋዠቅ ለመሞከርና በሂደቱም ከፍተኛ ሊሆን የሚችል ሽልማት ለማግኘት ጥሩ መንገድ ነው።
ከሁሉም በላይ ደግሞ ይህ ሁሉ የላቀ የክሪፕቶ እውቀት ሳያስፈልግ ይቻላል። የዋጋ ግሽበት የሚቀጥል ነው፤ ይህ ማለት ግን ከክሪፕቶ ገበያው መውጣት አለብዎት ማለት አይደለም። የገበያ መነቃቃትም ሆነ መቀዛቀዝ በዕድሎች የተሞሉ ናቸው፤ YouHodler ደግሞ ክሪፕቶዎን ሥራ ላይ ለማዋል የሚያስፈልጉዎትን መሣሪያዎች ሁሉ ያቀርብልዎታል። እንግዲያውስ ይሞክሩት።
ወደ ሁሉም ጽሑፎች ተመለስ